Suno ! Aey Chaand Si Larki,
Abhi Tum Titliyaan Pakro,
Ya Phir Guriyon Se Khelo Tum,
...Ya Phir Masoom Si Aankhon Se,
Dheron Khuwab Dekho Tum,
Faraz-O-Faiz-O-Mohsin Ki,
Kitaben Mat Abhi Parhna,
Ye Sub Lafzon K Saahir Hain,
Tumhein Uljha K Rakh Dein Gay,
Tumhein Maloom Hi Kab Hai?
Mohabbat K Libaday Mein,
Hawas Aur Hirs Hoti Hai,
Ye Insanon Ki Dunya hai,
Magar In Se Kaheen Barh Kar,
Yahan Wehshi Darinday Hain,
Wo Wehshi Jin Ki Aankhon Mein,
Machalty Piyar K Peechay,
Hawas Aur Hirs Hoti Hai,
Abhi Kachi Kali Ho Tum,
Abhi Kaanton Se Mat Khelo,
Abhi Apni Hatheli Per,
Kisi Ka Naam Mat Likho,
Abhi Apni Kitabon Mein,
Gulaabi Phool Mat Rakho,
Abhi Sheron Mein Mat Uljho,
Abhi To Umar Baaqi Hai,
Abhi Khud Ko Sanbhalo Tum,
Abhi Mat Gun'gunao Tum,
Abhi Se Ishq Mat Socho,
Abhi Sub Bhool Jao Tum,Suno Aey Chaand Si Larki....
